როგორ მოვითხოვოთ გადახდილი თანხის დაბრუნება?
- ავტორიზაცია გაიარეთ შემდეგ სექციებში „ჩემი პროფილი“ — „ავიაბილეთები“ — „ჯავშნის #“ — „შეკვეთის რედაქტირება“ — „ბილეთის თანხის დაბრუნება“;
- შეავსეთ აპლიკაციის ველები.
- ატვირთეთ მოთხოვნილი დოკუმენტაცია;
- დააჭირეთ „მოთხოვნის გაგზავნას“.
- როდესაც ელ-ფოსტით მიიღებთ მომხმარებლის მხარდაჭერის სამსახურის აგენტის პასუხს, დაუდასტურეთ, რომ ეთანხმებით თანხის დაბრუნების პირობებს.
ყურადღება!თუ ავიაკომპანია დაარეგისტრირებს რეისზე გამოუცხადებლობას, თქვენი მოთხოვნა თანხის დაბრუნების შესახებ შეიძლება უარყოფილი იყოს მაშინაც კი, თუ თქვენ გაქვთ შესაბამისი დოკუმენტები. ამასთან დაკავშირებით, გთხოვთ, თქვენი მოთხოვნა რაც შეიძლება მალე გამოაგზავნოთ. თუ არ შეგიძლიათ, რომ საბუთები დაუყოვნებლივ გამოაგზავნოთ, გთხოვთ, მოითხოვოთ ხარჯების ანაზღაურება გამგზავრებამდე არაუგვიანეს 3 საათისა, განრიგის შესაბამისად. მოთხოვნის შემდეგ, გთხოვთ, კომენტარებში მიუთითეთ: „არ მივემგზავრები. გთხოვთ, გააუქმოთ ადგილები. საბუთებს მოგვიანებით წარვადგენ.“
ბილეთისთვის გადახდილი თანხის დაბრუნებისთვის შეიძლება დაგჭირდეთ დამატებითი დოკუმენტები:
- რეისის გაუქმება ან 3+ საათი ფრენის გადადება: თანხის დაბრუნების მოთხოვნასთან ერთად, რეისის გადადების / გაუქმების ოფიციალური დადასტურებაა საჭირო; შეგიძლიათ მიიღოთ ავიაკომპანიის წარმომადგენლისაგან აეროპორტში;
- ვიზის გაცემაზე უარი: საჭიროა თანხის დაბრუნების აპლიკაციას დაურთოთ ვიზის გაცემაზე უარის დადასტურება, პასპორტის პირველი გვერდის ასლი და პასპორტში უარის ბეჭდის შემცველი გვერდის ასლი. ვიზაზე უარის გამო თანხის სრულად დაბრუნების მოთხოვნა უნდა გაიგზავნოს არა უგვიანეს 72 საათისა ფრენის პირველივე სეგმენტის დაწყებამდე (გამგზავრებამდე);
- მგზავრის ან მისი ოჯახის წევრის ავადმყოფობა / სიკვდილი, რომელსაც უნდა ემოგზაურა მგზავრთან ერთად: ამ შემთხვევაში აპლიკაციას უნდა დაურთოთ სამედიცინო / გარდაცვალების მოწმობა*, დოკუმენტი, რომელიც ადასტურებს ოჯახურ კავშირს მგზავრებს შორის;
- ადგილზე არ გამოცხადება ან ფრენაზე დაგვიანება (თუ ადგილები უკვე არ გააუქმა ავიაკომპანიამ ან Tickets.ge-ის აგენტმა მგზავრის მოთხოვნით გამგზავრებამდე): მგზავრის არგამოცხადების ან დაგვიანების ფაქტი უნდა მიეთითოს თანხის დაბრუნების მიზეზად .
მიაქციეთ ყურადღება, რომ თანხის დაბრუნება უნდა შეუთანხმდეს ავიაკომპანიას და შეიძლება გაგრძელდეს 3 თვემდე.
გახსოვდეთ, რომ თქვენი ბილეთი გაუქმდება მხოლოდ მას შემდეგ, რაც თქვენ დაეთანხმებით გაუქმების პირობებს და მომსახურების საკომისიოს გადახდას (თუ ასეთი მოთხოვნა არსებობს).
ბილეთის შეძენის დღეს დაბრუნების მოთხოვნის შეტანისას თქვენ დაგიბრუნდებათ თანხა ავიაკომპანიის ჯარიმების გარეშე. თანხის დაბრუნება მოხდება თქვენს მიერ ამ თანხის დადასტურების შემდეგ და ავიაკომპანიის გადაწყვეტილების შესაბამისად.
თუ ავიაკომპანია არ დაადასტურებს ჯარიმების გარეშე დაბრუნების შესაძლებლობას, თქვენ შეგიძლიათ მოითხოვოთ დაბრუნება სატარიფო წესების მიხედვით.
თანხის დაბრუნების მომსახურების საფასური და გადახდის საკომისიოები არ ბრუნდება.
დაბრუნების თანხა გამოითვლება მგზავრის მიერ თანხის დაბრუნების მოთხოვნის დღეს დადგენილი კურსით.
საბუთები, რომლებიც ადასტურებს მგზავრის იძულებით უარს მგზავრობაზე სამედიცინო მიზეზებით:
- სამედიცინო დაწესებულების მიერ გაცემული ცნობის ორიგინალი;
- აეროპორტის სამედიცინო ცენტრის მიერ გაცემული ცნობის ორიგინალი;
- ექიმის ცნობის ორიგინალი.
მოთხოვნები სამედიცინო საბუთების მიმართ, რომლებიც ადასტურებს მგზავრის იძულებით უარს მგზავრობაზე
სამედიცინო დაწესებულების მიერ გაცემული ცნობის დედანი, რომელშიც მოცემული უნდა იყოს:
- დაწესებულების მკაფიოდ და გასაგებად წასაკითხი დასახელება,
- დაწესებულების ბეჭედი,
- ცნობის გამცემი ექიმის მკაფიოდ და გასაგებად წასაკითხი თანამდებობა და სრული სახელი,
- ცნობის გამცემი ექიმის ბეჭედი და ხელმოწერა,
- დაწესებულების ან განყოფილების მთავარი ექიმის ბეჭედი და ხელმოწერა,
- ცნობის გაცემის თარიღი.
- დაავადების და მგზავრობის თარიღები ერთმანეთს უნდა შეესაბამებოდეს. ცნობაში უნდა იყოს შემდეგი დასკვნა: "მოცემულ თარიღებში ფრენა არ არის რეკომენდებული".
აეროპორტის სამედიცინო ცენტრის გაცემული მოწმობის დედანში მოცემული უნდა იყოს:
- სამედიცინო ცენტრის დასახელება,
- სამედიცინო ცენტრის ბეჭედი,
- ცნობის გამცემი ექიმის ადვილად წასაკითხი თანამდებობა და სრული სახელი,
- ცნობის გამცემი ექიმის ხელმოწერა და ბეჭედი,
- ცნობის გაცემის თარიღი,
- სამედიცინო დოკუმენტში აღნიშნული მგზავრობის თარიღის შესაბამისობა მგზავრობის თარიღთან.
მგზავრობის იძულებითი გაუქმების დამადასტურებელი ექიმის ცნობის ფოტოასლი ხელმოწერილი და ბეჭედდასმული უნდა იყოს ავიაკომპანიის უფლებამოსილი წარმომადგენლის მიერ აეროპორტში ან საჯარო ნოტარიუსის მიერ.
გთხოვთ განცხადებას თან დაურთოთ აღნიშნული საბუთების ასლები.ავიაკომპანიები არ მიიღებენ განცხადებებს დამადასტურებელი საბუთების გარეშე.
მგზავრმა უნდა დაამატოს სამედიცინო ცნობის ნოტარიულად დამოწმებული ქართული თარგმანი, როდესაც მას შეაქვს თანხის დაბრუნების განცხადება Tickets.ge-ში საქართველოს ტერიტორიაზე.
მგზავრმა უნდა დაამატოს სამედიცინო ცნობის ნოტარიულად დამოწმებული ქართული ან ინგლისური თარგმანი, როდესაც მას შეაქვს თანხის დაბრუნების განცხადება Tickets.ge-ში უცხოეთიდან.
გთხოვთ მიაქციოთ ყურადღება, რომ თანხის დაბრუნებისთვის წარდგენილი საბუთების მიმართ მოთხოვნებს ადგენენ ავიაკომპანიები, ხოლო სააგენტო არის მხოლოდ შუამავალი მგზავრსა და ავიაკომპანიას შორის. ამგვარად, გავიაკომპანიის ნებისმიერ მოთხოვნას თქვენ შეგატყობინებთ ჩვენი კლიენტთა მომსახურების სამსახური.
თაღლითობის შემთხვევაში მგზავრის საბუთები შეიძლება გადაეცეს საქართველოს პოლიციას სისხლის სამართლის/სამოქალაქო ბრალდებების წასაყენებლად საქართველოს კანონმდებლობს შესაბამისად.
სტატია სასარგებლო იყო თქვენთვის?
მადლობა თქვენი პასუხისთვის
თუ თქვენ ვერ მოიძიეთ პასუხი
თქვენს კითხვაზე,
გთხოვთ დაუკავშირდეთ ჩვენს მხარდაჭერის სამსახურს