თაღლითობის საწინააღმდეგო ტრანზაქციების გამოვლენა და აღმოფხვრა ყველა საერთაშორისო საგადახდო სისტემის ერთ-ერთი მთავარი ამოცანაა. ონლაინ-საგადახდო ტრანზაქციების უსაფრთხოებას აკონტროლებს მრავალი სისტემა გადახდის სხვადასხვა დონეზე და საფეხურზე.
საერთაშორისო საგადახდო სისტემები
Visa და MasterCard უდიდესი საფინანსო ორგანიზაციებია, რომლებიც წარმართავენ მთელი მსოფლიოს გადახდების ნაკადებს. ისინი შეიმუშავებენ და გვთავაზობენ ბარათების უსაფრთხოების სტანდარტებს და განუწყვეტლად ავსებენ მათ.
მომსახურების გამწევი სხვადასხვა ბანკების თაღლითობის საწინააღმდეგო სისტემები სხვა ბანკებთან ერთად ერთობლივი კონტროლის განხორციელების და ერთმანეთში მონაცემთა გაცვლის წყალობით გამოავლენენ ასობით თაღლითურ ჯგუფებს, რომლებიც სხვადასხვა ქვეყნებში ჩადიან დანაშაულს საგადახდო ბარათების გამოყენებით. თაღლითობის საწინააღმდეგო კონტროლი ხორციელდება ავტომატურად და ხელით.
Tickets.ge-ს სურს გაგიწიოთ რაც შეიძლება ხარისხიანი სამგზავრო მომსახურება, მაგრამ მას არ შეუძლია საგადახდო სისტემების გადაწყვეტილებებზე გავლენის მოხდენა. თაღლითობასთან ბრძოლის პოლიტიკის შესაბამისად ჩვენ ვასრულებთ თაღლითობასთან ბრძოლის ყველა აუცილებელ მოთხოვნას. Tickets.ge, როგორც გადახდების მიღების დარგში და განსაკუთრებით ელექტრონულ კომერციაში მომუშავე ყველა სხვა დაწესებულება, ცდილობს შეამციროს რისკები და გააკონტროლოს მიღებული თანხების მოძრაობა, რაც შეიძლება ადრე აღმოაჩინოს თაღლითობის ნიშნები და სწრაფად იმოქმედოს ყველა საეჭვო შემთხვევაში.
ძირითადი მიზეზები თუ რატომ შეიძლება ტრანზაქცია ჩათვალონ საეჭვოდ გაყალბების საწინააღმდეგო ფილტრებმა:
- ონლაინ გადახდა განხორციელდა არა იმ ქვეყანაში, რომელშიც გაცემულია მომხმარებლის საბანკო ბარათი.
- საბანკო ბარათი შეტანილია გაყალბების საწინააღმდეგო სისტემების შავ სიაში.
- ბარათი გაცემულია ისეთ ქვეყანაში, სადაც აღინიშნება საბანკო ბარათებთან დაკავშირებული თაღლითობის ბევრი შემთხვევა. როგორც წესი, ეს არის აზიის, აფრიკისა და ლათინური ამერიკის ქვეყნები. ამას გარდა, თქვენი ბარათი სისტემამ შეიძლება არ მიიღოს სხვა მიზეზების გამოც.
- ასეთი შემთხვევების შესახებ მეტი ინფორმაციისათვის, გთხოვთ, გეცნოთ სტატიას „რატომ შეიძლება სისტემამ არ მიიღოს საბანკო ბარათი“.
როგორ რეაგირებენ გაყალბების საწინააღმდეგო სისტემები საეჭვო აქტივობებზე:
- ინფორმაციის შეყვანისთანავე, ბარათი ავტომატურად იბლოკება.
- გადახდის სისტემა ბლოკავს გადახდის მცდელობას მიზეზების გაცხადების გარეშე.
- გადახდის სისტემა მომხმარებელს ელ-ფოსტით უგზავნის მის მიერ ბარათის ფლობის დამადასტურებელი დოკუმენტაციის წარდგენის მოთხოვნას.
- გადახდის სისტემა მომხმარებელს სთავაზობს მარტივ ონლაინ შემოწმებას რათა დადასტურდეს რომ ეს კონკრეტული მომხმარებელი ნამდვილად ფლობს გამოყენებულ ბარათს.
ბარათის მფლობელობის დოკუმენტური დადასტურება
გადამხდელი, რომლის ბარათმაც Tickets.ge-ს ეჭვი გამოიწვია, შეიძლება მიიღოს შემდეგი შეტყობინება:
ჩვენმა თაღლითობის საწინააღმდეგო სისტემამ აღმოაჩინა ამ ტრანზაქციის დიდი რისკი. სამწუხაროდ, ბილეთს ჯერჯერობით ვერ გაგიფორმებთ.
იმისთვის, რომ შეძლოთ ბილეთის ყიდვა, გთხოვთ დაგვიდასტუროთ, რომ თქვენ ნამდვილად ხართ ამ საკრედიტო ბარათის მფლობელი.
გამოგზავნეთ დამადასტურებელი საბუთები ელ. ფოსტაზე: [email protected] დაჯავშნის ვადის ამოწურვამდე.
დოკუმენტები, რომლებიც აუცილებელია იმის დასადასტურებლად, რომ გადახდა წარმატებით განხორციელდება:
1. ბარათის მფლობელის პასპორტის პირველი გვერდის ასლი.
2. საკრედიტო ბარათის წინა მხარის ასლი.
თქვენ შეგიძლიათ დაფაროთ ბარათის ნომრის ციფრები ბოლო ოთხი ციფრის გარდა, რომლებიც მკაფიოდ უნდა ჩანდეს.
ტექნიკური ექსპერტები შეისწავლიან მონაცემებს შემდგომი მოქმედების და ბილეთის მიყიდვის შესაძლებლობის გასარკვევად.
ყველა ზემოთ აღნიშნული მონაცემები განხილვისთანავე განადგურდება.
ბოდიშს გიხდით უხერხულობისთვის.თუ გადახდის სისტემა მიიღებს თქვენ მიერ წარდგენილ დასაბუთებას,
გადახდის ტრანზაქცია დასრულდება და მიიღებთ მარშრუტის ამონაწერს ჯავშნის საიდენტიფიკაციო ნომრით თქვენს ელ-ფოსტაზე.
თუ გადახდის სისტემა უარყოფს თქვენ მიერ წარდგენილ დასაბუთებას, ან თქვენ არ წარადგენთ შესაბამის მოთხოვნილ დოკუმენტაციას ჯავშნის ვადის ამოწურვამდე, ელ-ფოსტით მიიღებთ შეტყობინებას და ბილეთები კვლავ გაყიდვაში იქნება. ასეთ შემთხვევაში,
გირჩევთ რომ
გაიმეოროთ დაჯავშნის პროცედურა და გადაიხადოთ სხვა მეთოდით, ან სხვა ბარათით.
საბანკო ბარათის ფლობის ონლაინ კონტროლი
ზოგიერთ შემთხვევაში გადახდის მცდელობის შემდეგ, შეიძლება დაინახოთ შეტყობინება:
ყურადღება! თქვენმა ბარათმა ვერ გაიარა ჩვენი გაყალბების საწინააღმდეგო ფილტრი.
უნდა დავრწმუნდეთ, რომ თქვენ ნამდვილად ბრძანდებით ამ საბანკო ბარათის მფლობელი.
სისტემა შემოგთავაზებთ ორ მეთოდს თქვენ მიერ ბარათის ნამდვილად ფლობის შესამოწმებლად.
მეთოდი 1 უსაფრთხოების მიზნებიდან გამომდინარე, ჩვენ დავბლოკავთ შემთხვევითი რაოდენობის თანხას თქვენს ბარათზე, $0.7 – $1.2-ის ფარგლებში.
ჩამოსაშლელი მენიუდან აირჩიეთ ვალუტა, რომელშიც ზემოხსენებული შემთხვევითი რაოდენობა უნდა დაიბლოკოს თქვენი ბარათიდან და დააჭირეთ „LOCK” („დაბლოკვა“) ღილაკს.
აარკვიეთ კონკრეტულად რა რაოდენობის შემთხვევითი თანხა დაიბლოკა თქვენი ბარათიდან.
ზუსტი ოდენობა მითითებულია:
- ონლაინ ბანკის სისტემაში — ყველაზე ბოლოს განხორციელებული ტრანზაქციის ამონაწერში.
- ბანკის მიერ გამოგზავნილ ტექსტურ შეტყობინებაში (SMS) – თუ ბარათს გააქტიურებული აქვს ტრანზაქციების შესახებ ტექსტური შეტყობინებების მიღება.
- ბანკის მომხმარებლის მხარდაჭერის მომსახურება — დაურეკეთ მათ ბარათის უკანა მხარეს მითითებულ ტელეფონის ნომერზე.
შეიყვანეთ დაბლოკილი თანხის ოდენობა შესაბამის ველში და დააჭირეთ ღილაკს „დადასტურება“.
თუ შეყვანილი ოდენობა იგივეა, რაც შემთხვევითად დაბლოკილი, ბარათის შემოწმება წარმატებით დასრულდება – გადახდა მიიღება; წინააღმდეგ შემთხვევაში გადახდა უარყოფილი იქნება, ხოლო შეკვეთა – გაუქმებული.
დაბლოკილი ოდენობა მაშინვე განიბლოკება.
მეთოდი 2
შეიყვანეთ ავტორიზაციის კოდი ველში „ავტორიზაციის კოდი“.
დააჭირეთ „დადასტურება“ ღილაკს.
თუ ავტორიზაციის კოდი სწორადაა შეყვანილი, ჯავშნის გადახდა წარმატებით დასრულდება; წინააღმდეგ შემთხვევაში ჯავშანი უარყოფილი იქნება.
ავტორიზაციის კოდი მითითებულია:
- ონლაინ ბანკის სისტემაში — ყველაზე ბოლოს განხორციელებული ტრანზაქციის ამონაწერში.
- ბანკის მომხმარებლის მხარდაჭერის მომსახურება (ტელეფონი მითითებულია ბარათის უკანა მხარეს).
სტატია სასარგებლო იყო თქვენთვის?
მადლობა თქვენი პასუხისთვის
თუ თქვენ ვერ მოიძიეთ პასუხი
თქვენს კითხვაზე,
გთხოვთ დაუკავშირდეთ ჩვენს მხარდაჭერის სამსახურს